Bible Verse Tungkol Sa Pagsamba Sa Rebulto

Bakit kaya sumasamba ang mga Katoliko sa rebulto? Ito ang kadalasang tanong sa mga anti-katoliko na mga grupo. Pero totoo nga bang sinasamba ng mga katoliko ang rebulto? Basahin nahin ang batayang talata ng mga anti-katoliko na dahilan sa paglabag nila sa paniniwala sa Katoliko.

Exodus 20:4-6
Huwag kang gagawa para sa iyo ng larawang inanyuan o ng kawangis man ng anomang anyong nasa itaas sa langit, o ng nasa ibaba sa lupa, o ng nasa tubig sa ilalim ng lupa: 5 Huwag mong yuyukuran sila, o paglingkuran man sila; sapagka't akong Panginoon mong Dios, ay Dios na mapanibughuin, na aking dinadalaw ang katampalasanan ng mga magulang sa mga anak, hanggang sa ikatlo at ikaapat na salin ng lahi ng mga napopoot sa akin; 6 At pinagpapakitaan ko ng kaawaan ang libolibong umiibig sa akin at tumutupad ng aking mga utos.

Yan ay kasama sa ilang utos ng Diyos na binigay kay Moises. Pero kung tanungin natin ang mga katoliko, hindi naman daw nila sinamba ang mga ito. Ang paliwanag sa mga katoliko nito, ang tradisyon na ito ay isang katulad sa pagluhod ni Moises sa harapan ng dalawang rebultong Kerubin, ngunit hindi siya sumasamba sa rebultong Kerubin kundi sa Diyos na nasa gitna ng dalawang Kerubin na pinagawa ng Diyos upang siya ay makipagkita ni Moises sa banal na lugar na iyon. Basahin natin ang talata...

Exodo 25:18-22 Magandang Balita Biblia (MBBTAG)
Lalagyan mo ng dalawang kerubing ginto ang dalawang dulo nito, tig-isa sa magkabilang dulo. Ihihinang ang mga kerubin upang ito at ang Luklukan ng Awa ay maging iisang piraso. Gawin mong magkaharap ang dalawang kerubin na parehong nakatungo, at nakabuka ang mga pakpak na nilulukuban ang Luklukan ng Awa. Ilalagay mo ito sa ibabaw ng kaban na kinalalagyan ng dalawang tapyas na bato ng kautusang ibibigay ko sa iyo. Doon tayo magtatagpo sa Luklukan ng Awa, sa pagitan ng dalawang kerubin; doon ko ibibigay sa iyo ang kautusan ko sa mga Israelita.

Sa talata na iyan napakalinaw na hindi pala lahat na larawan pinagbabawal ng Diyos. Mali ang paniniwala na lahat talagang larawan pinagbabawal ng Panginoon. Nagpagawa nga ang Diyos eh! Sana ito ay nakakatulong sa lahat na nag-alinlangan sa paniniwala sa Katoliko tungkol sa larawan o rebulto. Ito ay ginawa ng Katoliko upang maparangalan ang mga tumutulong sa pagkalat ng mabuting balita. Ang pagluhod sa harapan ng mga rebulto sa mga Santo ay hindi ibig sabihin na sila ang dinasalan bilang Diyos kundi doon lang humarap dahil diyan banda ang presensiya ng Diyos katulad ng mga rebultong Kerubin.

Ang paghingi ng tulong sa mga SANTO ay hindi nangunguhulugan na tinuturing ito na Diyos kundi sila ang tagapagpagitan ng Diyos na si Jesus-Kristo at sa tao. Sana ang pahina na ito ay nakapagbigay liwanag sa inyong kaisipan tungkol sa Rebulto.